ما هي cma وكيف يتم التسجيل لها
الاسئلة الشائعة من الطلاب الجداد المقبلين على دراسة ال cma .
1-انا طالب جامعة سنة تالتة او رابعة ابلش CMA ولا بدري ؟
#اذا ماخد اغلب مواد التخصص زي محاسبة التكاليف والادارية وتحليل قوائم مالية والمحاسبة المالية والادارة المالية ابدأ فيها عالخفيف ، بفصل التخرج مثلا .
2-تخصصي علوم مالية ومصرفة او ادارة اعمال او هندسة بقدر اوخد الـ CMA ولا بس محصورة لتخصص المحاسبة ؟
#الشهادة مش محصورة لتخصص المحاسبة فقط ، شو ما كان تخصصك بتقدر توخدها ، في مهندسين معهم هاي الشهادة .
3-شو افضل منهاج للـ CMA ، gleim or Hock or wiley ؟
#جلايم الميزة انو مختصر المعلومة وبعطيك الصافي ، عكس هوك مفصل بالشرح كثير وبتعمق بالمعلومات .
#جلايم اللغة الانجليزية للمنهاج قوية جدا وبتعكس طبيعة اسئلة الامتحان ، عكس هوك لغته الانجليزية سهلة وسلسة .#وايلي هو المنهاج الرسمي للـ IMA والمنهاج ممتاز ومفصل في الشرح.
#الكل بنصح بـ جلايم كـ منهاج للدراسة ، بالنهاية شوف الي بناسبك واعتمد عليه .
4-أسجل بـ دورة للـ CMA ولا بقدر ادرسها واعتمد على حالي ؟
#اذا كنت متمكن من موادك في التخصص زي التكاليف والادارية والتحليل ولغتك الانجليزية قوية اكيد بتقدر تعتمد على حالك وتدرسها Self study .
6-دراسة الـ cma كم بتحتاج وقت وجهد باليوم ؟
#حسب كل شخص وظروفه في العمل ، لكن هي يوميا تحتاج افرج 4 ساعات يوميا على الاقل .
7-ابلش بالدراسة بعد التخرج مباشرة ولا اخليها لبعدين لانه بدها خبرة ؟
#من وجهة نظري بفضل تبلش فيها من بدري خاصة بعد التخرج مباشرة ، كونك لسا في مود الدراسة ، في المستقبل بتكثر الالتزامات وظروفك بتصعب فـ ما رح يكون عندك وقت كافي للدراسة ، بنرجع بنحكي كل واحد وحسب ظروفه .
8-متى بسلموني الشهادة ؟
#في حال نجحت في البارت الاول والبارت الثاني ، وقدمت للمعهد خبرة سنتين ، بسلموك الشهادة .
9-شو شروط تقديم امتحان الـ CMA ؟
#اولا تدفع رسوم العضوية ورسوم دخول امتحان ، وبعدها تدفع رسوم امتحان البارت الي رح تقدمه ، بعدها بتقدم الامتحان .
10-شو هي مواعيد امتحان الـ CMA ؟
#مواعيد الامتحان ثابتة ، بتكون خلال شهر 1 و 2 ، شهر 5 و 6 ، شهر 9 و 10 ، وتواريخ الامتحان في كل شهر بتكون محددة مسبقاً على موقع prometric
11-كم تكلفة رسوم العضوية والامتحان ؟
#رسوم العضوية تقريبا 230$ + رسوم دخول الامتحان 250$ + رسوم امتحان البارت 415$ ، هاي الرسوم قبل الخصم ، المعهد كل فترة وفترة بنزل خصم على الرسوم ، آخر خصم كان 30% .
12-وين موقع الامتحان ؟
#في مركز Amideast في عبدون .
13-كم مدة الامتحان ؟
4 ساعات ونص . ( 30 دقيقة للارشادات وتعليمات الامتحان ،3 ساعات مخصصة لـ اسئلة الضع دائرة ، ساعة واحدة للكتابي ).
14-من شو تتكون اسئلة الامتحان ؟
#بتتكون من 100 سؤال ضع دائرة ، و سؤالين essay مع افرعهم ، ولازم تنجح في الضع دائرة لحتى يفتحلك اسئلة الـ essay ، والمدة بتكون 3 ساعات على الضع دائرة و ساعة على الـ essay .
- و #علامة النجاح في كل جزء هي 360/500
15- متى بتطلع نتائج الامتحان ؟
#بعد 6 اسابيع من تقديمك للامتحان في الشهر الي قدمت فيه .
على سبيل المثال قدمت امتحانك بشهر 2 .. النتائج بتطلع في منتصف شهر 4 .
16-كيف طريقة دفع الرسوم ؟بقدر حد يدفع عني الرسوم ؟
#عن طريق الـ Credit card ، واذا ما عندك بطاقة ، عادي بقدر أي حد يدفع عنك .